August 3, 2021
Advertisement
Advertisement
Neipor cheipor da em i kynaad khappood hapyrdi ka Meghalaya wa ka Assam, wei boonsien da mih i pynbaad wa ki pulit ka jylla Meghalaya duna ware ki wow yada ya u pood wa ya kiwa chong chnong ha khappood hapyrdi kini ki ar jylla.
Hajrong ini waroh neiliang u montri ki kaam pohyung ka jylla, u Lahkmen Rymbui da kyntait u yei duna deiwa ong wa ki pulit kreh ki khnang wow yait u kiar wow mih iwon iwon i eh i khoo ya ki paidbah wei neiliang ka sorkar da phah ko leh ya ki pulit wow man ki kiwa paitsiar ha khappood khnang wow chngaaiñ ki paidbah.
Advertisement
Heiyatoh wa i jia ha Iongkhuli, da ong u wa ki pulit em ki ha ini i thaw wow yada ya ki paidbah ka jylla nei chah thombor deiwa pynrap wa i em pulit ha khappood man i iwa biang.
Da ong u leh wa neibynta wow pynbait ya u pood wa ka Assam wa jrong kamwa 800 Km tam da man i iwa emkaam wow tipmit noh ya ki thaw wow phiah ya waroh ar tylli ki jylla, neibhah lada ympu ye wow pynbait ya ini, i awri leh daw mih i neipor cheipor.
U Lahkmen da ong u leh wa ka jylla da yaleh ko katwa ye wow yada ya ki paidbah hawa em iwon iwon i kajia wei da kyrmen skem u wa i yaklam pynbait pood ha kani ka kynti daw man i iwa jop neibynta i bha i miat ki paidbah.
