15 49.0138 8.38624 1 0 4000 1 https://wyrta.com 300 0
Advertisement ad1

Ki rai wa chim heiyatoh wa ka khayi hapyrdi ka Bangladesh wa ka Meghalaya

0 Comments

Jowai: U montri rangbah ka jylla, u Conrad Sangma chirup wa ki montri ka sorkar jylla wa kynthup ya u Sniawbhalang Dhar, u Lahkmen Rymbui wa u Banteidor Lyngdoh, ynne da yachem ki ya u montri ka chnat Commerce ka Bangladesh, u Tipu Munshi wa ki heh ka sorkar Bangladesh wow yaklam hajrong ka khayi pateiñ hapyrdi ka ri, ka jylla wa ka ri Bangladesh.

Ha ini i yachem da emlang leh ka High Commissioner of India in Bangladesh ka Riva Ganguly. 

Ha ini i yachem da yaklam hajrong kiwa boon ki phang wa yatoh wa kini ki ar ri, heiwa da rai wa ki mar wow khayi mar kylliang daw jied ya ki heiwa daw soi leh ya ka soskular namo ka MoU hajrong ini. 

Ka sorkar jylla da rai ko wow pynchlur yei yatoh hapyrdi kiwa pynlai ya ki kaam uiñke suwari namo ki Tour Operators wow pynku ya kani ka bynta ha waroh ar ri. Ki soo ngut ki dkhot namo ki Tour Operator na Ri-loom Khasi, Jaiñtia wa Garo Hills u chong phyllu yumut ki mynstep hei emlang u Conrad ha Dhaka. 

Da rai leh wow pynku ya ka khayi pateiñ lyngba ki Land Custom Station hapyrdi ka India wa Bangladesh. 

Neiliang won uni u montri ka Bangladesh da kyrpaad u yei krehlang wa ka India khamtam ka Meghalaya heiyatoh wow pynmiat ya ki bordiñ neibhah wa joor i dawa bordiñ hapoh ka Bangladesh katkam wa man katni.

0 Comments

Leave a Reply