15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kiwa chong chnong leh ye ki u embynta ha ka Public Hearing ha Ummulong mynstep ka 6 tarik

0 Comments
Advertisement ad1
Advertisement ad1
Advertisement ad1

Jowai: Ka Public Hearing wa da khut pynman da ka yungkrehkaam u Deputy Commissioner ha Ummulong mynstep ka 6 tarik heipor 10:00 waje i step ha Community Hall ka Ummulong u man ko kawa lai bait.

Ya kani ka Public Hearing da khut pynman hadien wa em ki kattu katni ngut ki manbei manpa na ka chnong Ummulong da ujor pyrchah ki yei kulmar i rukom pynkrehkaam ya ka MNREGS namo ka Scheme 100 sngi hapoh ka chnong.

Ya kani ka ujor hajrong wym biang i rukom pynkrehkaam ya kani ka Scheme da booh nadooh u Kmaichonglad (December 2016) wei ha kani ka kynti da chimkhia noh wow pynman da ka Public Hearing yow chem ya iwa sakhiat.

Hei yaklam wa u ADC ka West Jaiñtia u D.M. Wallang da pyntip u wa mynstep kani ka Public Hearing u man ko kawa lai bait heiwa kiwa chong chnong ka Ummulong ye ki u embynta ha ka.

Hei yatoh won wa em na kiwa ujor da kwah ki u pyndam ya kani ka Public Hearing hadien wa da ran dien ki na ka ujor, da ong u wa lada em sadu san ngut namo samen hi-eh leh na kiwa ujor kani ka Hearing u lai bait ko khnang wow ye u bichaar yei hok yong kitæ ki kajak ngut hanlada em samen donhi leh.

Heijooh i por da pyntip u wa daw em leh ki pulit wow sonteri ha kani ka Public Hearing khnang wow pyntikna wa kani ka Hearing u man ko kawa lai bait.

 

Share this:
Previous

Pynbna ka HSPDP ya ka thup wa ar yong ki kyrtong ki wow yakhun ha u 2018

Next

Daw khut ya ka JHADC wa ka GHADC wow emlang ki ha ka yalang wow pyrkhat ya i pynkylla ya ka Sixth Schedule