Shillong: Ka State Election Committee yong ka seiñ HSPDP kawa da pynman ynne ka sngi da pynbna ko sa ka thup wa ar ki pyrtuid yong ki kyrtong wow yakhun Election MLA 2018.
Ha kani ka sien da pynbna sa le tylli ki pyrtuid ki kyrtong wa ki Constituency wow yakhun ki.
Mawryngkneng constituency: U Blatsbor Kharpran, toh uwi na ki waheh na ka chnong Sohryngkham uwa da chongngiah kam u Branch Manager yong ka Meghalaya Rural Bank. U Kharpran jooh ksoh u leh kam u President yong ka Khasi Student’s Union, Sohryngkham Unit ha ki snem kiwa da lai.
Mawkyrwat constituency: U Renikton L Tongkhar, toh u rangbah na kani ka Constituency uwa da pyndep ya ka kyrdan puræ B.Com. Da man u leh uwa da embynta ha ki kaam saiñ hima sima kattu la 20 snem.
Sohra constituency: U Droistar Khongsti, toh uwa na kani hi ka Constituency uwa da dep puræ ar tylli ki Bachelor degree (B.A & B.Sc) wei kamjooh leh ya ka Master degree (M.A). Da jooh kreh u kam u lecturer ha St. Anthonys College ha u snem 1994-96. Hadien itæ won da kreh u ha PHE Mawphlang kam u Research Assistant hadooh wa chongngiah u na ka kaam.
Also Read: Pynbna kyrtong ka HSPDP neibynta ka Election MLA, 2018
Discussion about this post