Kiwa uiñke suwari na Bangladesh hawa wan ki cheini, emkaam u liwan biang ki ong u Conrad heipor wa wai ya ka thaw uiñke ha Kudengrim

Jowai: Ka thaw uiñke suwari wa pynlai da ka Kudengrim Tourism & Environment Protection Society wa haap hapoh ka Amlarem Civil Sub-Division, da wai ya ka ynne ka sngi da u Montri Rangbah ka Jylla u Conrad Sangma, hadien i pynkhreh ka chnong wow kyntu kynrong ya kani ka kaam uiñke suwari hapoh ka thaaiñ.

Ha kani ka sngi wow wai paidbah da emlang ki ar ngut ki Montri ka sorkar Jylla wa kynthup ya u Lahkmen Rymbui wa u Sñiawbhalang Dhar, Minister hei emlang ki heh sorkar na ki chnat sorkar waphær waphær.

“Kam uwa mihkhmat toh i kaamram yong nga wow pynsñiaw cha ka sorkar ya kiwa boon tylli i eh i khoo ki paidbah khamtam u sarok wa pynyabi ya ka Kudengrim cha Kudeng Thymme wei nga dadep pynsñiaw O cha ka sorkar wa lada biang kini ki sarok daw pynsuk ko ya ki paidbah kani ka thaaiñ wow lai cha ka chnong Sohkha, Nongtalang wa kiwi kiwi ” da ong u Lahkmen Rymbui.

Hawa kyruiñ won cha ki kaam uiñke suwari, u Lahkmen da ong u wa kani ka kaam man ko kawa kongsan tam deiwa e yaroh ya ka Kudengrim kawa da chna ya ka Society, i chna ya ka yingkieñ da ki buit tynre wa kiwi kiwi.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Neiliang won u Conrad Sangma da ong u wa ka sorkar thrang ko wa ki Scheme wa da u poi wei u pynmyntoi ki ya ki paidbah, wei ka sorkar da kreh chitom wei da thooh ko ki laad ko wa kammon wow wanrah yei myntoi wa paka cha ki paidbah khamtam ha kani ka thaaiñ.

Da pynrap u deiwa ong wa ki luti syngkieñ man ki ki bynta wa kongsan tam wow kyntu kynrong ya kani ka kaam deiwa pynrap leh wa mar chimkti ka sorkar yong oo, haka mang tyngka neibynta u snem 2018-19 ka sorkar pyrdi da pynku ko ya ka bhah yong ka scheme PMGSY kawa T. 170 klur, ha uni u snem won da yoh hadooh T. 600 klur, deiwa pynrap leh wa em chiboon ka poisa neibynta wow pynbha pynmiat ya ki luti syngkieñ wow wanrah ya ki kaam pynroi wa kiwi kiwi.

Da kyntu u leh ya ki paidbah ka Kudengrim kamjooh ka Society wow chna ya ki yingkieñ, wow kær ya ki thaw wa miat khnang wow ye u pynneh pynsah yei miat ka chnong kamwa da yah da u warim wajah.

Chooh chooh da ong u wa kani ka thaw jngai ko du kamwa 143 Km na u pood ka ri wa ka Bangladesh, deiwa ong leh wa ye i wow khuslai hajrong i psiah tooh kiwa na baar yeiwa toh u khuslai hi i, wei kam ki bru kani ka thaaiñ kamjooh ka sorkar leh emkaam ko wow thooh ki laad ki luti wa kiwa na Bangladesh ye ki wow wan uiñke tangwa haap liwan biang ki cha Bangladesh.