Kiwon kiwon ye ki wow paan Ticket tangwa dang chaniah ya u Vincent Pala: PN Syiem

U Working President ka Meghalaya Pradesh Congress Committee (MPCC) u Pynshngain N Syiem da e dak u wa u MP wa katni ka Congress na Shillong Parliamentary Constituency, u Vincent H Pala daw yakhun biang u ha kani ka kynti.

Hawa klam ynne ka sngi, u Pynshngain da ong u wa lada em kiwa kwah wow paan Ticket ye ki wow thoh cha ka Party tangwa neidaw wa u Vincent Pala man u kam u MP wa katni wei dang chaniah ya oo kam u MP ha Parliament wei dang man u du oo hadooh katni.

Da ong u wa hawa yatoh waka Election MP wa MDC, ka Congress da pynkhreh chwa ko neibha wa em ki chnat hadooh ki Block wa ki Unit wei ymtoh iwa eh tangwa emkaam wow pynkhreh rap kyrpang.

Hajrong i thooh yutip yei chongchit ka Voice of the People Party (VPP), u Pynshngain da ong u wa ya katni dang smat ware wow ong u iyi iyi ya ka VPP tangwa kamwa da yoo wei sakhi ya kiwi ki Party kam ka PDM, KHNAM wa PDF leh da wiar ki chiteiñ por.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Chong ha kiwa yahkhmat ka VPP wow pteiñ ya ki kaam hadooh katwon ye ki yow yoh yei kyrchaan yong ki paidbah.

Heijooh i por da ong u wa i ya krehlang ka Congress waka NPP ha KHADC ym ktah ko iyi iyi ya ka Election neibhah wa chong hei krehkaam yong ka EC wa ki paidbah yow bichaar.

“Ym phær iyi iyi leh lada ya krehlang ka Congress waka NPP tangwa iwa eh toh wa lada yakrehlang leh lada ym ye wow pynyoo wa ye u kreh yei kaam itæ daw ktah”, ong u Pynshngain.

Da ong u leh wa hap wow yaroh ya kani ka EC hapoh i yahkhmat u CEM, u Pyniaid Sing Syiem heiwa da ye wow chna ya ki Rule ka Land Act, i mynjur ya ka aiñ wow e bor ya ki seiñ khynroo, ki seiñ manbei wa ki dorbar chnong.

“Ym em iyi iyi i yaphær wow ya krehlang, iwa kongsan toh u ya kreh bha”, da ong u.