Kmen u Conrad ya ka UDP wa jop ko ha Ranikor neibhah da pynkhlan ko ya ka sorkar MDA

Jowai: Hadien wa da pynbna ya kiwa jop ha ki ar tylli ki Election chiteiñ samoi ynne ka sngi kitæ ha South Tura wa ha Ranikor Constituency heiwa ka NPP da jop ko wow pynskem ya u Conrad K Sangma kam u montri rangbah ka jylla na South Tura katwa ha Ranikor won u kyrtong ka NPP u MM Danggo da rem u ha u kyrtong ka UDP u Pius Marwein, neiliang u Conrad da e khublei u ya u kyrtong ka UDP yei jop yong oo.

U Conrad da ong u wa da yooluti u wa kam ka Party NPP u jop ko ha Ranikor neidaw wa u kyrtong yong ka u Danggo toh uwa da jop da boon sien wei uwa maya leh da kiwa boon wei rap khyrngiat leh wa rem u.

Heijooh i por da ong u wa kmen hi u leh wa ka UDP kawa em hapoh ka sorkar synrop ka MDA da jop u kyrtong yong ka kawa da pynkhlan chooh ya ka sorkar.

Da ong u leh wa ka Congress da rem kput ko heiwa u kyrtong yong ka da poi u cha wa khaddoh dooh wei yoh Vote duna u leh da ki spah donhi.

Related posts

Yieñ ki kari syad dor ha JHADC tangwa yeiwa emkam dooh wei ym yoh poisa

July 24, 2025

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Chooh chooh da ong u wa ini da pynyoo wa ka sorkar synrop da khlan chooh chooh ko wei da jop ki mar ka wi hanlada ym lai ki kaam kamwa thmu tangwa kam uwa yahkhmat ka MDA da e khublei u ya ka UDP yeini i jop yong ki wei da pynku ki leh yei boon MLA ka MDA.