Ka National People’s Party (NPP) da ku i em ki MLA na ka 26 ngut cha ka 28 ngut, hadien wa psiah noh ki 2 ngut ki MLA yong ka People’s Democratic Front (PDF).
Ki MLA wa kynthup ya u Banteidor Lyngdoh na Mawkynrew wa u Gavin Mylliem na Sohra da psiah noh ki ha ka NPP ryngkat kiwa kyrchaan wa ki dkhot ka Central Executive Committee ha ka yalang kawa da man ynne ka sngi.
Ya ki heh wa hakhmat ka PDF da pdiang sñiawbha da ki heh ka NPP, nadooh u Conrad Sangma, National President, u Prestone Tynsong, National Vice President, u Sniawbhalang Dhar uwa man u National General Secretary wa kiwi kiwi.
Neiliang ka PDF da booh ko leh 11 tylli ki kyndon namo ki mat wow kreh hapoh ka NPP, ha kawa neiliang u Conrad Sangma da mynjur wei da kular u wow pynman kaam ya kini ki mat.
