Ka Aam Aadmi Party (AAP) ynne ka sngi chwa wow pynman ya ka Assembly Election ka Delhi ka wow man ha ka 9 Thohlakhmi 2020 da pynlait ko ya ka ‘Kejriwal Ka Guarantee Card’ namo ka thong krehkaam namo ka Manifesto ka Party neibynta ki san snem wow wan.
Ya kani ka thong krehkaam da pynlait paidbah da u montri rangbah ka Delhi uwa man leh u convenor ka AAP, u Arvind Kejriwal ha ka yalang wa man ha nongbah Delhi.
Ki thong krehkaam ka party wa kongsan ha kani ka kynti neibynta ka Delhi toh wow yoh u chong bus mynkna ki khynnah skur kamjooh leh ki khynnah puræ (Students) wei wow pynkhooid ya ka la’ær ka nongbah Delhi wei wow pynyirngam ya ka deiwa thung palat 2 klur tylli ki dieñ.
U Arvind da kular u leh 200 Unit ka bordiñ wow man mynkna, wow saam ya ka umdih wa 24 kynta chi sngi, u pynlai ya ki sainar bordiñ wa ki Cable Internet napoh khyndaw, wa kiwi kiwi.
Chooh chooh u Kejriwal da kular u leh wow pteiñ ya ki kaam wa da sdang da ka sorkar yong oo ha kini ki san snem wa dadep.
Discussion about this post