Jowai: U montri rangbah ka jylla, u Conrad K. Sangma ynne da yachem u wa u Union Minister for Social Justice & Empowerment, u Dr. Thawarchand Gehlot ha New Delhi wow yaklam yei eh i khoo wa yachem ki bru kiwa emi duna hei doh i pran namo ki Person with Disabilities.
Ha ini i yachem u Gehlot da kular u wow chna ya ka Composite Regional Centre for Persons with Disabilities ha Shillong kawa mang wow thooh ki laad ki luti wow pynmiat ya i rukom im ki bru wa em i duna hei doh i pran hapoh ka jylla.
Kani ka Centre u krehkaam ko hapoh i pait i yoo yong ka National Institute for Empowerment of Persons with Multiple Disabilities.
Ka sorkar pyrdi da kular ko leh wow pynman ya ki Mega Camp wow saam tiar yarap cha kam kini ki bru ha Shillong wa Tura.
U Conrad da ong u leh wa ka sorkar jylla thmu ko wow kreh neibynta wow kyntu kynrong ya i rukom im ki bru kiwa em i duna ha i doh i pran heiwa da thooh ki laad wow pynpliah ya ki ha ki kaam sports wei neiliang ka sorkar pyrdi leh da kular ko wow chna ya ka Stadium for Persons with Disabilities.
Hapoh Meghalaya da entaad wa em kamwa 44,730 ngut ki bru kiwa em i duna ha i doh i pran wei ka sorkar leh yaleh ko wow yarap ya ki liang wanang.
Discussion about this post