Ka seiñ Sur Ka Bri U Hynniewtrep ynne i janmiet hapoh i yahkhmat u Chairman yong ka, u Sylvester Kurbah da lai yachem ko ya ki heh ka UDP kiwa kynthup ya u Bindo M. Lanong Chief Adviser, u Paul Lyngdoh uwa man u Working President wa ya u Dr. Jemino Mawthoh uwa man u Secretary ka UDP ha yung sah (Quarter) u (L) Dr. Donkupar Roy.
Ini i yachem toh chibynta wow dawa sa na kini ki heh ka UDP wow tuklar ki heiyatoh wa i wym leh ki MLA ka UDP iwon iwon hajrong ka Appeal Letter kawa yatoh wa i dawa beh kreh chipor ya ki 3 ngut ki heh pulit kiwa emkti hei chah siat yap u heh warim ka HNLC, u Cherish Starfield Thangkhiew.
I dawa beh kreh chipor ka seiñ toh wa kwah ko wow yoh ya i bichaar wa khooid kawa da leh lyngba ka Judicial Enquiry khlem i chah pakhlat heiyi heiyi.
Ha i yachem da phyllu neibynta kani ka phang wei neiliang kini ki heh ka UDP da kular ki wow chimkhia wow yaklam wa ki MLA ka Party kiwa em ha ka sorkar hajrong ini i kaam.
