Kular u Mukul da ka Community College ya ka RBSU

Shillong: U Montri Rangbah u Dr. Mukul Sangma da kular u ya kiwa yahkhmat ka Ri-Bhoi Students Union (RBSU) wa ka sorkar daw e ko da ka Community College.

Ka seiñ ka da dawa ko leh na u Montri Rangbah wa ka sorkar wow pynheh pynbha ko ya ka sarok Umsning hadooh Jagi uwa jrong 90 km.

“I yaklam wa u Montri Rangbah man ko kawa sniawhun bha neibhah da kular u wow e ya ka Community College ym toh da ka Government College”, da ong u president ka seiñ u EJ Nongpluh.

Katkam i ong u Nongpluh, u Mukul da ong u wa ka sorkar u chimkhia ko ya ini i kaam wei daw lai leh Survey noh ko wut wut ya ka thaw wow booh ya kani ka College.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Ha i jooh i por, ha ka dorkhat ka RBSU da ong wa kamwa man hadooh katni ka Ri Bhoi ka em ko du kawi donhi ka College wow chakri ya ki khynroo khyllood ka thaiñ.

Ka College wa em katni ha Nongpoh ka chakri ko ya kiwa em chnong hajan ka Nongpoh wei da emkaam ya ka sorkar wow wai noh ko sa kawi ka College yow ye u chakri khambha ya ki paidbah.

Ka seiñ da kam ko leh wa ka da em thaw ko wow chna ya ka College wei ka smat ko leh wow e cha ka sorkar yow smat u sdang u chna ya kani ka College.

Heijooh i por da ong wa ka sarok Umsning hadooh Jagi kawa pynyabi wa ka Assam toh u pynheh pynchna noh ka neibhah kani ka sarok toh kawa yarap bha ya ki paidbah ha ka khayi pateiñ heiwa boon ki kari wa wan na bar jylla pynemkaam ki ya uni u sarok.