U sarok man u u budloom ya i roi i paar wei ha kani ka juk i em u sarok wanrah i chiboon i myntoi ya ki paidbah nadooh i khih i kreh, i kamai, i rep wa kiwi tangwa dang em ki chnong hapoh ka jylla kiwa ympu yoh ya u sarok wa paka hadooh kini ki sngi.
Ha kani ka kynti ki paidbah ki 22 chnong ka thaaiñ Syntumaw-Umdohkha, Ri Bhoi District da e dorkhat ku ha u Deputy Chief Minister uwa man leh u Montri ka PWD (R), u Prestone Tynsong wow chna noh ya u sarok wa 10 Km wa ka yingkieñ ha ka Wah Umsiang ha Pahamdingngan.
Ya ki 22 chnong da yahkhmat da u MLA ka Mawhati uwa man leh u Chairman ka 22 Shnong Joint Action Committee, u Charles Marngar, wa u MLA ka Nongpoh u Mayralborn Syiem deilang wa ki waheh chnong.
U Charles Marngar da ong u wa uni ymtoh du u sarok tangwa u thiedsnaam heiwa khlem oo ki kaam wa jhan leh man kiwa jngai.
Da ong u leh wa nadooh kiwa punkhon, kiwa kjut, ki warep waroh chem chitom ki.
Ha ka dorkhat wa da e da khana leh yei chem chitom ki paidbah khamtam hei lyur wa ktieh iwa pynbor ya ki manbei, tymmen wa ki khynnah wow lai dei kjat.
U Mayralborn Syiem da ong u wa man iwa miat wa yachem wa u Prestone chirup wa kiwa yahkhmat ki 22 chnong heiwa ka Joint Action Committee da yoh ko leh wow e ya ka dorkhat heiwa oo leh da ap u yeiwa kwah ki paidbah ka thaaiñ wei da kular u leh wow chimkhia yeini.
Discussion about this post