Kut ka yachem wa khaddooh ka sorkar wa ki Harijan deiwa paan poor biang ka HPC sa 15 sngi

Ka yalang haprdi ka sorkar jylla wa ka Harijan Panchayat Committee (HPC) kawa da man ynne ka ka sngi da kut biang hei yaklam khlem da ye wow chim rai, neibhah ka HPC da paan por biang ko sa 15 sngi na ka sorkar chwa wow e ka rai wa khaddooh.

Hawa klam hadien wa wai ka yalang ha Secretariat, u Symbood Montri Rangbah uwa pait ya ka chnat pynroi sor, u Sniawbhalang Dhar, da ong u wa kani toh ka yalang wa khaddooh, tangwa neiliang kiwa mihkhmat ka HPC da paan por biang ki sa 15 sngi na ka sorkar chwa wow e rai wa khaddooh, da ong u wa ki em ki mat wa hap u yaklam biang wa kiwa chong chnong ha Them Metor.

Da ong u wa hadien 15 sngi ym em de ka yachem wa ka HPC, wei u e bait ki yei rai cha ka sorkar.

Neiliang uwa yahkhmat ka HPC da ong u wa i paan por biang na ka sorkar wa toh wa dang em ki mat kiwa dang hap wow yaklam pynbait para ki, tangwa hawa kylli da kyntait wow khana kiyi kitæ ki mat.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025