15 49.0138 8.38624 1 0 4000 1 https://wyrta.com 300 0

Kwah ka FoCUSS wow yoh bhah ka poisa naka sorkar cha ki District Council

1 Comment
Advertisement ad1

Shillong: Ka yalang bah næ ka 3rd General Council yong ka Forum of Councils Under Sixth Schedule (FoCUSS) da pynsñiaw ko yei pyrchah kawa yatoh wa i duna yoh poisa palat ki Autonomous District Councils (ADC) ka thaaiñ mihsngi.

Hawa yaklam wa ki laad pathai khubor u Chairman ka FOCUSS, u Pynshngain N Syiem da ong u wa kamwa man katni, ki District Council em ki hapyrdi i duna poisa, wei ya ka dan lyngba ka GST leh da yoh myntoi du ki sorkar jylla wa ka sorkar pyrdi, khlem da e bhah lang cha ki District Council.

Advertisement ad1

Da ong u leh wa ka Article 275 toh neibynta wow e yarap poisa du ya ka sorkar jylla lyngba ka Ministry of Tribal Affairs. Katwa ki ADC hap ki wow yang ya i leh wyrai yong ka sorkar jylla neibhah wa ym em kawon kawon ka kyndon wow pynyoo ya katæ ka poisa wa da mang kyrpang neibynta ki District Council.

Ha i jooh i por da ong u wa ka sorkar jylla da yoh lut ko yaka poisa na ka chnat bordiñ katwa ki District Council ym jooh yoh ki iyi iyi leh.

U PN Syiem da ong u, lyngba i pynkylla ya ka Sixth Schedule, ka Forum ka kwah ko leh wa toh u pynkhlan ya ki kattu katni ki kyndon yong ka Article khnang wa ki District Council u yoh ki ya kamjooh ka poisa.

Ha kawi ka liang u Chairman ka FOCUSS da pynsñiaw u wa ki District Council ha ka thaaiñ mihsngi kmen ki ya i em yong ka Article 280, kawa e myntoi wow yoh ya ka yarap poisa na ka Finance Commission, deiwa pynrap wa ka Forum daw phah ko ya i kyntu leh ha i pynkylla ya ka Article 275, khnang wow em bhah kyrpang bait thij katwon ka sorkar jylla u e poisa ko cha ki District Council.

U PN Syiem da pyntip u leh wa ka yalang da klam sani bha hajrong ka GST wow em noh ki kyndon wa ki District Council leh u yoh bhah ki na katai ka dan.

Da pyntip chooh chooh u wa ki ADC ha Northeast da yoh ki T. 1000 klur ka Special Assistance na ka sorkar pyrdi ha u snem 2015-16, wei neibynta u snem 2016-17 ki ADC da toh u yoh biang ki sa T.1000 klur tangwa neidaw wa ym ye u pynbiang ya ki Utilisation Certificates (UC) ki ADC da dooh noh ki ya kani ka bhah. Da pynbaad u wa i dooh ya katai ka bhah toh neidaw yong ka sorkar jylla kawa da pynslem ya ki UC.

Ha kani ka General Council yong ka FOCUSS kawa da man ynne ka sngi ha Shillong da yaklam leh hajrong i thmu wow pynkylla ya ka Sixth Schedule, wei da rai leh wow phah ya ka dorkhat cha ka Parliamentary Standing Committee wow kyntu pynyinsur ya i por wow e yumut hajrong ini i pynkylla, khnang wa ka Forum u yoh ko wow yaklam rap bniah hajrong boon tylli ki phang wei wow kynthup ya i e yumut hajrong i tai i thmu.

Advertisement ad1

1 Comment

  • October 5, 2019 at 2:43 am
    Barris M

    “ONE NATION, ONE CONSTITUTION”, teenage boys still don’t understand that..

    Reply

Leave a Reply