15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kwah ka UDP wow pynyeiñ da u kyrtong wa hunlang yong ka na Shillong ha ka Election MP

1 Comment
Advertisement ad1
Advertisement ad1

Shillong: Ka United Democratic Party (UDP) da pynsñiaw ko yei kwah u em u kyrtong hunlang na ka sorkar Meghalaya Democratic Alliance (MDA) ha ka Election MP na Shillong, ym mut i wa kiwi ki seiñ ym khang wow booh kyrtong ki namo wow ngait bait ya u kyrtong ka UDP.

U General Secretary ka UDP, u Dr. Jemino Mawthoh da ong u wa waroh ki seiñ em ki jar jiar i rukom pyrkhat wei rukom krehkaam wei em hok ki wow sai ya u kyrtong hawa em ka Election.

Da ong u wa ki seiñ wa emlang ha ka sorkar MDA toh u sñiawthooh ki wa ha ki Election wa dadep na ri loom Khasi-Jaiñtia ka UDP da rap yoh ko chiboon ki Vote.

“Ki lok ha ka sorkar toh u pdiang ki yeiwa sakhiat wa ka UDP da yoh ko chiboon ki Vote wei ini da pynman ko ya ka Party wow paan kyrchaan ya u kyrtong ka UDP kam u kyrtong hunlang na ka Shillong ha ka MP Election wow wan,” da ong u Jemino.

Neiliang u Working President ka UDP, u Bindo M Lanong da ong u wa lada jied ya u kyrtong laitlooid khlem ka Party (Independent) kam u kyrtong hunlang ym em yumut neibhah wa ym em wow kdoh wow khoom ya oo wow ngait u yeiyi wow kohngooh da ong u Bindo neibhah wa ye u lai kyrchaan ya ka INC namo ka BJP hawa jubab yeiwa ong u Alexander Laloo Hek uwa man uwa yahkhmat ka Bharatiya Janata Party (BJP).

Dang ini wadep u Hek da ong u wa u kyrtong neibynta ka Election MP emkaam u wow man uwa laitlooid ymtoh u wow chah pynlai ha kawon kawon ka party.

Chooh chooh u Bindo da ong u wa katni ha ka sorkar em san namo ynru tylli ki Party wa krehlang chirup wei uni u kyrtong lada man u uwa laitlooid ym em wow ye wow kdoh wow khoom ya oo  ya kawon ka Party wow kohngooh u.

Share this:
Previous

Pynbaad kawi ka kynthai wa chah leh khlemakor ko ha kiwa kreh niam ha Shillong

Next

Da pynlait paidbah ya ki Ticket Lucky Draw ka Lumshyrmit L.P. School