Kwah u Rakkam wa ka VPP wow ya krehlang ko ymtoh du wow beiñ donhi

U Montri wa pait ya ka chnat puræ Puthi ka jylla, u Rakkam A Sangma da kyrpaad u ya ka Voice of the People Party (VPP) kawa em ha ka Liang Pyrchah wow wan ko chakhmat lada em iwon iwon wow e yumut wei ka chnat leh daw pdiang ko wei ymtoh du wow beiñ wow boh.

Ini i klam u Rakkam toh hadien wa ka VPP da dawa ko na u Montri Rangbah ka jylla, u Conrad K Sangma wow pynhiar chuki noh ya oo kam u Montri ka chnat Puræ Puthi.

Kam wow pynkynmoo wa ka VPP da thoh ko cha u Montri Rangbah ini wa dep yow pynsñiaw yei sñiawkhia hajrong i wym sñiaw yahaap ya u Rakkam A Sangma wow ksoh ya ka chnat ya ka chnat Puræ Puthi deiwa pynbaad wa uni u Montri ym tip bha u chaphang ka chnat wa ksoh u.

Hawa yaklam wa kiwa thoh khubor, u Rakkam da ong u wa kiwa yahkhmat ka VPP toh ki bru kiwa da stat da tip, kamtæ kam ka sorkar ka yooluti ko wym du wow kynthah tangwa wow e yumut leh wei da pynrap u wa lada toh kiwa em ha ka Liang Pyrchah næ ha ka sorkar, waroh em ki yei kitkhlieh hei wow chakri wei wow noh kyllooid neibynta ki paidbah.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heijooh i por da ong u wa kam u Montri toh i kaamram yong oo wow ya krehlang wa waroh wei man u leh uwa kmen wow ya syllok waka VPP yow e yeiwa bha tam cha ki paidbah, khamtam wa ka Meghalaya toh kawa da bna kam ka thaw wa bna naam ha ka puræ puthi ha ka thaaiñ North East.

U Rakkam da ong u leh wa ka sorkar jylla ryngkat waka Liang Pyrchah em ki i kaamram wow leh yow pywandur wei wow kyntu ya ka jylla.