Ka HITO Jowai Circle hadien wa da yoh ujor ko na ki paidbah, da sñiawkhia ko heiyatoh wa i pynkai ya i ktieh wa mih na ka Iawmusiang Shopping Complex cha u sarok Wahnangbah.
Hajrong ini, neiliang u General Secretary ka seiñ, u Deibormi Siangbood da ong u wa ini i leh u Contractor man i iwa ktah ya ka chnong, ya ki paidbah wa khamtam ya ki khynnah skur wa lai wa wan na uni u sarok.
Heijooh i por da ong u wa kani ka yaaw ymtip kammon ka pynkhreh namo ka Plan heiyatoh wa ki paikhana, ki Septic Tank, ki thaw pylnang yei jhep kamjooh ya ki dooid wow pynlai ya ki jakhlia napoh kani ka yaaw.
Da ong u wa kam ka seiñ hi kawa pait ya i miat i bha ka chnong ka thaw ymem kwah ko wa hadien habood u mih i eh ya ka chnong kamjooh ya ki paidbah wa lai wa wan kamjooh kiwa chong yaaw.
Kamtæ neiliang ka seiñ da ong ko wa daw lai yachem ko wa u Contractor wow kylli bniah heiyatoh wa kani ka yaaw khnang wa kiwa chong chnong u lait ki u maad yei eh hadien.
Discussion about this post