Uwa yahkhmat ya ka liang pyrchah ha ka jylla, u Dr. Mukul Sangma da kylli u wa lada u montri rangbah ka jylla ye u wow ong wa i man i long ha ka jylla toh iwa biang wei ymphær i, wei da kylli u leh wa katwon ngut ki MLA wa ki montri kiwa da yoh pdiang ya ka chithi dawa poisa, wei heitæ daw tip hadooh katwon i long i man neibhah wa man i iwa eh, wei da pynrap u deiwa kylli wa lada u Montri Rangbah dang nood u mo wow ong wa dang biang hi.
U Dr. Mukul da ong u leh wa toh i kaamram yong waroh kiwa yahkhmat ha i saiñpyrthai wow pyntikna wa ka jylla ympoi ko chadooh u pood wow wanrah yei eh i khoo wei ym pyndooh mynsien ko ya ki khynroo ka jylla hadooh wow chrai ki.
Da ong u leh wa i dawa na u montri rangbah wow khut jhan ya ka yalang ka State Security Commission toh wa em boon ki daw, kat u yoo u Montri Rangbah ym em u jubab u katwa em, iwa pynyoo wa ym em u i sñiawkhia lada em iwon iwon i jia.
