U kyrtong ka Congress ha kani ka Election MP na Shillong, u Vincent H Pala ynne hadien ka yalang paidbah ha Iawmusiang, hawa yaklam wa kiwa pathai khubor da ong u wa i phiah jaitbru hapoh ka jylla man iwa da leh da ka sorkar NDA ya iwa da pynwandur da ka BJP.
Da ong u wa kam ha Manipur ka BJP da phiah ko hapyrdi ki Meitei wa ki Kuki wei heini ha Meghalaya leh da sdang ki wow pynyaphær hapyrdi ki Garo wa ki Khasi wei suki suki hapyrdi ki Jaiñtia wa ki Khasi.
Chooh chooh da ong u wa katkam wa da em ha ka Sixth Schedule emkaam u pynneh wei wow pynbha yeiwa da em wei yikrum u pyndooh yeiwa da em.
U Vincent da ong u wa da em ki District Council ka Khasi, Garo wa Jaiñtia kiwa da em jar ki ktien, kamtæ da kylli u yikrum u pyndooh ya ka ktien Jaiñtia na ka State Anthem?
Da ong u wa ini toh i kaam iwa khian iwa ye bait u kynthup ya ka ktien Jaiñtia tangwa ini pynyoo i leh ya i dak wow pynyaphær hapyrdi ki jaitbru, ki niam wa kamtæ ter ter.
Discussion about this post