Kynmoo warom ka Seiñ Raij Tuber ya ka lyngkhooh sngi yap wa 356 u Woh Tep Kyndait

Ha ka 17 tarik uni u bnai, ka Seiñ Raij Tuber da leh warom ko ya ka lyngkhooh sngi yap wa 356 snem u Woh Tep Kyndait u Mar ka Raij Tuber kamjooh u khlawait ka Ri Jaiñtia.

Chibynta man ko leh ka sngi yaam bru wei chibynta won man ko ka sngi wa khroo wow sñiaw sarong yei jop thma u Woh Tep Kyndait wa ki khon ka Raij Tuber ya u syiem ka Jaiñtiapur, u Amratap Sing u syiem rangbah wei da yoh u leh wow pynyap ya u syiem khynnah, u Rapor Sing kawa man leh kam ka sngi laitlooid ka Raij Tuber wei man ko leh ka sngi wow sah khana yanom kylla rata lym em u Woh Tep Kyndait ka niam ka rukom ka dustur ka riti yong i tip kamnu wow jia.

Ya ka yalang da pynlai da u President ka Seiñ Raij Tuber wei da yoh yei ngooh Blai da u Langdoh ka Raij Tuber wei da yoh leh u pynhær lama da u Julbi Sana katwa yei parom u Woh Tep Kyndait da khana da u Bevil Shylla, Rangbah Sai Nia ka Seiñ Raij Tuber wa kammon da hiar thma u Amratap Sing ya ka Raij Tuber du neidaw wym ngait u Woh Tep Kyndait u pynkylla ya ka niam ka rukom waka dustur ka riti yong i.

Ha kani ka sngi da yoh leh ya ka siang ka phor da ki seiñ manbei wei da yoh leh yei rwai Tuber Anthem da ka Seiñ Raij Chnong Tuber Kmaichnong wa i chaad na ka Seiñ Raij Chnong Tuber Chohchrieh.

Related posts

Sdang ka e sikai neibynta ki khynnah kynthai yow tip u yada na ki bru wa chimkabu

June 7, 2025

Pynkup burom ka North Liberty ya ki khynnah Class-XII deilang uwa pyndep ya ka JEE Advanced

June 7, 2025

Da yoh leh yei booh syntu na ka KSU Wapung Circle waka JNC Tuber Circle wa i ktien e khublei na u General Secretary ka Seiñ Raij Tuber.

Ka Wyrta na u President ka Raij Tuber, u Helping Phawa.