Shillong: Uwa yahkhmat ka BJP, u Rahul Sinha uwa man u National Secretary ka Party da kyntait u wa ka Party ym nood ko wow sai kyrtong ha kani ka Election MDC ka wow man ha ka 27 tarik uni u bnai neidaw ka CAB.
Da ong u wa i wym em bynta ka Party ha ka Election cha ki ar tylli ki District Council toh neidaw wa da jan ware ka Election cha ka dorbar Lok Sabha wei ka Party kwah ko wow pynlai yumut rap miat neibynta ka MP Election.
Da ong u wa ka thong yong ka BJP toh wow yoh yei jop wa rap boon ha ka election MP wei ym sñiaw emkaam ko wow yakhun ya ki Election wa khian.
Ha iwi i liang u President ka BJP Mehalaya, u Shibun Lyngdoh da ong u wa ka Party da yoh ko 12 ngut ki kyrtong kiwa kwah wow yakhun ya ka MDC Election na ka Party wei ya i pyrtuid yong ki da phah cha ki heh ka Party ha Delhi, tangwa ym em e ki ya iwon iwon i jubab iwa pynman ya ka Party u dam ko u yakhun ya kani ka Election.
Discussion about this post