Kyntait ka Seiñ Kur Sari wa kyrchaan ko ya u Bitos Sari kam u kyrtong MDC

Ka Seiñ Kur Sari Seiñbei da pyrchah ko yei pynbna u kyrtong MDC ka Congress na 5-Mukhla Ummulong Constituency, u Bitos Sari uwa da pynmih khubor deiwa kam wa ka Kur Sari waroh kiwa chong wa sah ha Mukhla da rai ki wow kyrchaan ya oo ha kani ka Election MDC 2025.

Tangwa ini i kam i yong oo toh i wym em yurim i, wei neiliang ka Seiñ Kur Sari næ ki Kur Sari kiwa chong ha Mukhla waroh wym em e kam ini i rai wei wym em hi leh u ya chong yachemlang (Meeting) ki wa oo.

Neiliang u General Secretary ka Seiñ Kur Sari Seiñbei Central Body da pynche u wa ka Seiñ Kur Sari wym embynta ko ha ki kaam Election næ ki Political Party katkam ka riti krehkaam ko wei da klam che leh wa ka Seiñ Kur Sari toh u yait ko na kam kini ki kaam. Tangwa ka ym em u khang ko ya uwon uwon næ kawon kawon ki khon ka kur kiwa kwah u yakhun Election.

“Hao sakhiat wym ye u len wa ha Mukhla Umlangchor em hi ki kur Sari kiwa man kam kiwa ha-yung ha-sem yong u Bitos Sari wei kat ya ki kur yong oo kiwa ha-yung ha-sem yong oo ha Mukhla Umlangchor ye hi ki u rai kyrchaan ya oo, tangwa ya waroh ki kur won kiwa em ha Mukhla Pyllun tæ wym em kam katæ ka rai.”

Related posts

Takit ki pulit yeiwa poor ha Social Media ya u khynroo ha Shillong uwa da slaitbor ya boon ngut ki kynthai | Ym bien ka kynthai u booh FIR

July 7, 2026

Khlem yoh u hiar madan tangwa chah kit ha ka Stretcher uwa yalehke ka England

July 6, 2026

Kamtæ neiliang yong ka Seiñ Kur Sari Sengkmie Central Body Meghalaya da kyrpaad ko ya u Bitos Sari wow sñiawbha u wym toh u yahbkla ya ka kur Sari waroh kawi du neibynta i myntoi i yong oo.

Kani toh katkam i pynche cha phi ki lok ki jor kiwa chong wa sah ha Mukhla Pyllun wei kamjooh leh ya waroh hi ki khon ka 5-Mukhla Ummulong Constituency, pynkut ka kyrwoh na u S. Sari, General Secretary, ka Seiñ Kur Sari Seiñbei Central Body Meghalaya.

Puræ leh: Kyrchaan ka Kur Sari Mukhla Umlangshor ya u Bitos Sari kam u kyrtong MDC na 5-Mukhla Ummulong