U Lat ka Tamil Nadu, u RN Ravi ynnin ka sngi Bibar da kyntait u wow pdiang yeiwa da phah u Montri Rangbah ka jylla, u MK Stalin wow thung biang ya u K. Ponmudy kam u Montri sorkar.
U Ponmudy toh uwa da dep chah pyndam namo chah Disqualify kam u MLA hadien wa rai pynrem ka yung bichaar wow phah kset oo 3 snem heiyatoh wa ki kaam baam tangka kawa da pynmih hukum da ka Madras High Court ha u Kmaichonglad (Dec) 2023.
Ha ka 11 tarik uni u bnai, ka Supreme Court da rai ko wow pynsangeh ya kani ka hukum phah kset, kamtæ u Montri Rangbah da phah biang u ya u Lat wow pynsmai ya u Ponmudy kam u Montri sorkar.
Neiliang u Lat ha ka chithi wa da pynmih da ka Raj Bhavan da ong wa u Ponmudy toh uwa da tngit uwa man kam uwa baam tangka wei lada pynman biang oo kam u Montri man ko pyrchah yei synchaar paidbah.
Da pynche u wa ka Supreme Court ka India da rai ko hapoh ka Sec 8(3) ka aiñ Representation of the People Act 1951, wa ka hukum wa pynmih toh wow pynlait chipor ya u Dr. K. Ponmudy iwa mut wa i rai pynrem ya oo dang neh hi wei ym em pyndam næ booh ka cha rood.
Kam wow kdaw heini wa ha ka 21-12-23, u Ponmudy deilang waka kurim u, ka Visalakshi da chah rai pynrem ki haka Madras High Court tangwa u Judge da e laad u ya ki 30 sngi yow lai kyrpaad cha ka yung bichaar wa rap haneiñ.
U Ponmudy toh uwa jooh man kam u Minister of Higher Education wei deilang waka kurim u da chah pynbaad ki wa da baam tangka ki hadooh Rs 1.72 klur heipor wa man Minister u nadooh u 2006 hadooh u 2011. Ya kani ka Case da Register pyrchah ya kini da ka Directorate of Vigilance and Anti-Corruption (DVAC) ha u snem 2011 hadien wa ka AIADMK Party hapoh i yahkhmat ka Jayalalithaa da chna sorkar ko.
Katkam ka Section 8(1) ka Representation of the People Act da ong wa kiwa chah pynngat ha kani ka kyndon deilang waka aiñ Prevention of Corruption Act, daw chah Disqualify ki neibynta 6 snem heiwa u Ponmudy da ngat u ha kani wei da chah Disqualify u leh 6 snem.
Kamtæ haka 5 tarik uni u bnai, u Speaker ka Tamil Nadu Assembly, u M Appavu da pynbna u wa ka Tirukkoyilur Constituency ym em de mihkhmat yaka da u Ponmudy.
Haka 11 tarik uni u bnai, ka Supreme Court da pynsangeh ko yaka hukum wow phah kset wei hadien ini u Speaker da ong u wa da yap iwa pynbna wa thylli ka Tirukkoyilur Assembly Seat iwa mut da man MLA biang u Ponmudy.
Hadien wym bien u Lat wow thung Montri ya u Ponmudy, ynne ka sorkar Tamil Nadu da lai ko cha ka Supreme Court.
Discussion about this post