Ha ka 28 tarik uni u bnai, ka Ches’ Stars Higher Secondary School, Jowai da pynman ko ya ka Exhibition hajrong ka phang wa ong, “From Classrooms to Creation” neibynta ki khynnah ka skur kiwa nadooh Class-I hadooh Class-X.
Ya kani ka Exhibition da yahkhmat da ka Principal, ka Idawandafa Jones Chullai chirup i ya krehlang kiwa sikai ka skur.
Ya kani ka Exhibition da phiah ha ki ar bynta ha ka Science Category wa ha ka Arts Category.
Ki khynnah da wan chimbynta ki deiwa chitrhem nadooh ki dong khian yong kani ka skur hadooh kiwa da heh da san deiwa pynyoo yei stat yong ki wow batai chaphang i doh i pran u bru, ki kaam bordiñ, i sikai skur, i chait i khiah, i rukom man ki samoi wa kiwi de.
Ya kini waroh da wan wow bichaar da u Dr. H.H. Mohrmen uwi na ki bru wa bna naam ka chnong Jowai, u Dr. Tyrchain M Lypon, Lecturer Thomas Jones Synod College, ka Saweini Laloo, Lecturer Sankardev College wa ka Lamsuk Nongtdu, SDO PHE.
Neiliang kiwa pynlai ya kani ka skur da e khublei ki ya waroh ki khynnah kiwa chimbynta wei e khublei kyrpang ki ya ki Judge kiwa da pynlait yei por wa kordor yong ki ha kani ka sngi.
Discussion about this post