Kyntu ka CID Meghalaya wow tip ya kini ki App wa thok poisa ya ki bru

Ka CID Meghalaya da kyntu ko ya ki paidbah wow man ki kiwa husiar hawa pynemkaam ya ki App wa da chna thok kiwa man kam ki Investment Trading Apps kiwa tip leh kam ki Pig Butchering Scam heiwa kini ki bru da pynlut por ki da ki bnai yow yoh yei chaniah ki bru wow thap poisa ki deiwa kular wow yoh nong chiboon chah ya iwa da pynlut ki.

Kiwa boon ki bru da chah pynbiej ki ha ki kular wow yoh chiboon ka poisa ha i por wa tbian deiwa pynyoo ya ki bru wa da yoh nong na kini ki App kamjooh ha ki Website yong ki wa em i kheiñ sap kiwa chna thok suda.

Ha India ki App wa kular wow e ram toh kiwa da roi bha wei man ki leh pyrchah yaka aiñ neibhah yow ye u e ram emkaam wow yoh bor na ka RBI kawa da booh katwon ka sut wa toh u kheiñ tangwa em kini ki App kiwa da e ram ha ka sut wa heh bar ya iwa da booh ka RBI.

Da e ram ki leh deiwa khlem paan ya ki kot ki sla tangwa paan donhi ki yei pyrtuid, ki Phone Number, ki Bank Account, ki Debit/Credit Card Number dep te phah su ki ka bai Application wa i su poisa chwa (Advance Payment) wei mar ya yoh yeini kini ki bru wiar wot ki.

Em won kiwa chah Phone chah pyndik ha kini ki bru deiwa ong wa da dep e yaka ram tangwa ym em su ki ka hanla tang u yoh leh ym em yaka ram. Ini i chah pyndik em i por toh iwa joor bha hadooh wa wan da ki bru ha ki yung ki sem ki bru wei da em ka kynthai kawa da chah dai sarom deiwa booh yei dur ko hei doh yong kawi won ka kynthai.

Da em leh kawi ka manyung ha Bhopal kawa da pynkut yei mynsien neidaw wa joor chah pyndik ha ki bru wa e ram lyngba kini ki App kiwa da maham ki kut jait.

Neiliang ka CID da kyntu ko ya ki paidbah wow thooh bniah chwa wow Install wei wow puræ bniah wei wow pait leh kiwon ki App wa da yoh bor na ka RBI wei wow kynmoo wow chim Screenshot ya iwa yaklam wa kini ki bru kamjooh iwon iwon iwa da dep su.

Da kyntu leh wow syndong na kini ki App wa chet chukor ya ki bru

Stock Trading Institute App

Advance Teer Results

Damco Caster

Make Money Online

Shillong Teer Lottery Result & VIP Counter

Capitalux.com

Zoho Assist-Custom

Wix Courier

Leadshark

LRO Stock Ltd

Dhani Bajaj Finance

Ency Fx

H5.sqxqtcej.com

India Poxt_encrypt3.apk

Amazon Care

Lada em kiwa chah thok ye ki wow Phone ha u Helpline-1930 næ deiwa lai pyntip ha ka https://cybercrime.gov.in/.