Kyntu ka Congress ya kiwa chong chnong ka Meghalaya wym toh u chah pynbiej hei leh chongchit ri ka BJP

Hachwa kani ka Election MP cha ka Lok Sabha, neiliang ka Meghalaya Pradesh Congress Committee da kyntu ko ya kiwa chong chnong ka jylla Meghalaya wym toh u chah pynbiej ki hei leh chongchit maya ri ka BJP.

Hawa yaklam wa kiwa thoh khubor ynne ka sngi ha Congress Bhawan, Shillong, neiliang u AICC Northeast Media Coordinator, u Matthew Anthony da ong u wa da sakhi chiboon i chah thombor haka sorkar bei wa katni ha Delhi nadooh u snem 2014, nadooh ka khayi pateiñ, ka imlang sahlang wa kamjooh ha ki kaam synchaar khadar.

Da pdiang u ya ki kaam bakla ka Congress nachwa, heiwa u Anthony da ong u wa katni toh yow pynbait ya ini waroh iwa da dep wei wow synchaar yaka ri deiwa pyrkhat ya ki bru.

Da pynsñiaw u leh yei sñiawskem wa ki paidbah daw jied ki yaka Congress yow lait noh na kini ki 10 snem kiwa da chah lehbeiñ.

Related posts

Dam noh ka NPP wow kyrchaan ya ka sorkar ka Manipur wa yahkhmat da ka BJP

November 17, 2024

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

U Anthony da kdaw u leh ya kiwa boon ki wym yoh kreh hapoh ka ri India wot ya kitu kiwa da pyndep yei puræ puthi. Kamtæ da kylli u yei rukom synchaar ka BJP deiwa kyntu ya ki wow pait yeiwa jia sakhiat hapoh ka ri heiwa da pynbiej ya ki paidbah da ki kaam niam wa kiwi de.