Kyntu ka HITO ya ka JHADC wow pynbiang noh ya u pood ki chnong ha Jowai

Ka Hynniewtrep Integrated Territorial Organisation (HITO) Jowai Circle ha ka 5 tarik hapoh i yahkhmat u General Secretary, u Deibormi Siangbood da yoh ki u yachem wa u MDC, u Aiborlang Shadap uwa man leh u Chairman ka Boundary Committee ka Jowai Elaka hapoh JHADC.

Kam wow pynkynmoo wa ka seiñ da yaklam ko wow leh smat noh ya u pood u ang ka Jowai khnang wow lait na iwon iwon i kajia pood hadien habood wei wow yoh jar jiar ki Map. 

Neiliang ka seiñ da ong ko ymtoh iwa eh ya ka Council u pynbait ya u pood ha waroh ki bynta ka chnong Jowai, neibhah i kaamram yong ka Council hi wow pait ya i thaw i bhaw kamjooh ya u pood u ang ha Ri-loom Jaiñtia waroh kawi.

Related posts

Da wai ka dwar ya u Paul Lyngdoh uwa daw baam smai kam u Montri sorkar myntu ka sngi

November 2, 2026

Du hapoh 8 kynta na Guwahati cha Delhi deiwa mynjur ka sorkar ya ka luti rel ka Bullet Train

November 1, 2026

Neiliang u Aiborlang Shadap da mynjur u wow chimkhia, kamjooh da kular leh u wow khut ya u Dolloi yong ka Jowai, deilang wa ki Waheh Chnong wow pynman ya ka yalang heiyatoh wa ini i kaam. 

Chooh chooh u Aiborlang da ong u leh wa ym em eh ya uwi pa uwi u MDC namo u MLA u kreh neibynta ki paidbah lada maya hok ki ya ka jaitbru.