Kamwa dang pteiñ ki paidbah ka Lapangap hei ah kba, ki paidbah na kiwi ki chnong da wan ki leh wow yarap ah kba ha Pynthor Lapangap hadien wa chah pynthut pyndik ha ki Karbi khamtam na Tahpat, wei ha ka 25 tarik won ka Synjuk Waheh Chnong Ri Jaiñtia da lai synraanlang ko ya ki.
Neiliang ka Synjuk lyngba u President yong ka, u Arminius Lypon da kyntu u ya ki ar sorkar ka Meghalaya wa Assam wow pyndep smat noh yei klam pynbait pood hapyrdi ki ar jylla khnang wa ki paidbah wa chong ha khappood u im suk ki.
U Arminius da ong u leh wa kattæ da yoh wow ah ya u kba tangwa ym kwah won ki wow thut won heipor rep heipor wa thung kba ha ki por wow wan.
Da kyntu u ya ki paidbah na West wa East Jaiñtia wow mih yonglang wow wan yarap wow ah ya u kba wa dang sah ha Lapangap neibhah i por da man iwa tbian bha.
Chooh chooh da kyntu u ya ka SABCC wym toh wow pynmih ya ki kyntien pynsñiaw yaphær jaitbru næ wow kam ya ki thaw neibhah ki ar jylla da em ki jar jiar ki Committee wow pait yeini.
U Arminius da kyntu u leh ya ki ar sorkar wow pynbait smat noh ya u pood khnang wow myntoi ki paidbah.
Discussion about this post