Jowai: U kyrtong MDC yong ka Indian National Congress (INC) Party na ka 19-Jowai South Constituency u Baitlang Pohsngap da kyntu joor u ya ki paidbah chong chnong yong ka Ri Khasi wa Jaiñtia wa ha chwa wow thap ya ka Vote wa kordor yong ki haka 27 tarik uni u bnai, toh u booh chwa ki dei ngooh blai khnang wow yoh ya u/ka wa mihkhmat (MDC) cha ka KHADC wa JHADC ki wow chakri hok doh wa mynsien ya ka Ri wa ka jaitbru.
U Baitlang da pynkynmoo u wa ka kaam Politics man ko kawa kyntang hadooh kattæ kattæ ya ki paidbah, kawa pait ya i eh i khoo, ka yap ka im kawa e leh ya i chakri ya ki mynsien wa kordor.
Kam u kyrtong MDC “nga da lai luti la 10-11 bnai tam khlem da pynemkaam da i bor yong ka spah, nga wan cha ki paidbah yow pynsñiawthooh ha ki ya ka yurim wa nga yeiñ O kattæ wow pyrchah ya i bor yong ka spah, neibhah du kani ka yurim wa ye wow chakri hok wei wow pynim ya ka ri wa ka jaitbru. Nga ym kwah O wa ki paidbah chah thied ki ha i bor yong ka spah, neibhah ki paidbah wa chah thied ha i bor ka spah, ym em dor chooh ki hakhmat u MDC næ MLA, da ong u Baitlang.
“Ka ri yong i ka emkaam sakhiat ko ya kiwa kreh hok ya kani ka kaam synchaar khaddar, tangwa ym nood de ki wow wan chakhmat wow yakhun ya kani ka Election neibhah ki tieñ ki ya i bor ka spah kawa da kreh borbah katni.”
“Nga kwah O wa ki paidbah ym toh u em ki hei dooh kyrmen tangwa u wan ki cha khmat wow pyndep ya i hok, deiwa booh dei duwai ha chwa wow thap ya ka vote wa kordor yong ki, khlem da kheiñ ya kiwa yatoh niam wa kiwa ym em yatoh niam kamjooh.” pynkut u Baitlang ha ka kyrwoh wa da phah.
Discussion about this post