15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Kyntu u MDC ka Congress wow khut da ka dorbar kyrpang wow kyntait ya ka CAA

0 Comments

Shillong: U MDC ka Congress na Rambrai-Jyrngam, u Bajop Pyngrope da kyntu u ya u Chief Executive Member (CEM) ka KHADC wow khut ya ka dorbar kyrpang neibynta wow rai kyntait pynkrehkaam ya ka Citizenship (Amendment) Act, 2019 yong ka sorkar pyrdi.

Hawa yaklam wa kiwa pathai khubor ynne ka sngi, u Bajop da ong u wa i daw wa pyrchah ya ka CAA cha kiwi ki jylla dang joor i man ka sngi, deiwa pynrap leh wa u CEM uwa man leh u heh ka United Democratic Forum (UDF) ha KHADC toh u khut u ya ki MDC wow yaklam hajrong kani ka aiñ ka sorkar.

Da ong u leh wa hanlada ka sorkar Meghalaya Democratic Alliance (MDA) da mynjur lang ko ha ka yung dorbar MLA wow dawa ya ka Inner Line Permit, tangwa hadooh katni ympu che lada ka sorkar jylla pyrchah ko namo ym em ya kani ka aiñ.

Heijooh i por da kyntu u leh ya ka sorkar jylla wow khut biang sa kawi tawon ka dorbar kyrpang wow pyrchah ya ka CAA da ka jylla hi waroh kawi.

Chooh chooh da ong u wa da em i pynsñiawthooh bakla ya ki paidbah hajrong ka ILP wa ka Sixth Schedule, tangwa lada pynkrehkaam ya ka ILP ym em i ktah ya ka Sixth Scheduled deiwa e nongmuna wa ha jylla Mizoram em ka Sixth Scheduled wei kamjooh leh ka Article 371 (c) wei da yoh leh ya ka ILP, kamjooh ha Nagaland em ka ILP wa ka Article 371 (a).

Da ong u wa ha kani ka jylla Meghalaya leh ye hi wow emlang ka ILP wa ka Sixth Schedule.

Previous
Next

0 Comments

Leave a Reply