15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Da booh ya u mooyurim neibynta ka thaw psan ngap wa T. 10 klur

0 Comments

Sambrak: U montri rangbah ka jylla, u Conrad K. Sangma ynne da wai u ya u mooyurim neibynta ka Integrated Beekeeping Development Centre (IBDC) ha Sambrak Seed Farm, North Garo Hills hei emlang u Deputy Speaker ka jylla, u Timothy D. Shira, u MLA ka Kharkutta u Rupert Momin, u MLA ka Bajengdoba u Pongseng M Sangma wa kiwi kiwi.

Kani ka project kawa man kawa nyngkong dooh ha jylla da antaad wow lut T.10 Klur, wei ya kani ka poisa da mang wow e na ka Ministry of Tribal Affairs, ka sorkarpyrdi. Kani leh man ko kawi na ki kaam wa yahkhmat u montri rangbahdooh ka ri, u Narendra Modi wow pynku ya ka kaam psan ngap neibynta i wow pynku ya ka yoh ka lah ha ki thaaiñ palatsor.

Ka sorkar india yaleh ko wow pynku ya ka kaam psan ngap lyngba ka scheme yong ka kawa tip kam ka Mission for Integrated Development of Horticulture (MIDH) Scheme, hapoh ka “Pollination Support through Beekeeping” heiwa ka National Bee Board (NBB) u man ko kam ka Nodal Agency wow pynkrehkaam ya ka Scientific Beekeeping hapoh ka NHM/MIDH.

Hawa e i klam hajrong ka bynta wow pynku ya ka kaam psan ngap, u Conrad da ong u wa ka sorkar da yakreh ko wa kiwa psan ngap khnang wow pynku ya kani ka kaam hapoh jylla.

Da pyntip u leh wa em 6000 ngut kiwa psan ngap hapoh jylla wei em kamwa 7000 ngut tam kiwa da chah hikai kammon u psan ngap da ka Meghalaya Institute of Entrepreneurship (MIE). 

Hajrong wa man ka jylla kam kawi na ki thaw wa miat bha u psan ngap, u Conrad da ong u wa i daw wa duna i stat hajrong kammon u psan ngap katkam ka juk wa katni, kiwa psan ngap ymye ware ki wow yoh lap na ini.

Ka Meghalaya thmu ko wow yoh myntoi na kamwa 5 lak tylli ki ksiñ psan ngap katwa kamwa man hi katni em du 16,728 tylli donhi iwa man du 3% donhi. Da ong u leh wa i em ka Integrated Bee Development Centre (IBDC) ha ka jylla daw yarap bha ko wow pynku ya kani ka kaam.

Ka IBDC daw yarap ko leh wow pynku ya kani ka kaam katkam ka juk wa katni wei kani ka center leh u em ko ha i thaw wa 20-25 Acre.

Share this:
Previous

Pynman District Youth Convention ka SURE ha Sabahmuswang

Next

Kyntu u MDC ka Congress wow khut da ka dorbar kyrpang wow kyntait ya ka CAA