U Prestone Tynsong uwa man leh u Symbood Montri Rangbah ka jylla da ong u wa i ku i yabi u khñiang COVID-19 toh iwa yoo chyrkhei, wei ym ye tip kiyi wa em ya u khñiang heiwa da kyntu u ya ki paidbah wow deiñ ya ki Mask wot hapoh ki yung ki wei wow bood ya ki kyndon.
Da ong u wa hanla i ku kiwa yabi ya u khñiang da joor i, tangwa ki paidbah ym toh wow tieñ ki wei toh u bood ryntih ya ki kyndon.
Ka jylla Meghalaya ynne ka sngi ka 20 tarik da sakhi ko yei boon dooh kiwa yoh COVID-19 deiwa em hadooh 1183 ngut kiwa dang yoh thymme, 465 ngut kiwa chait wa 10 ngut kiwa khlaad noh, wei katni da em 6477 ngut kiwa dang em ya u khñiang ha ka jylla, wei kiwa boon dooh toh ha East Khasi Hills bood won sa ka Ri-Bhoi District.
