U Symbood Montri Rangbah ka jylla, u Prestone Tynsong da ong u wa la em ki bru kiwa lai lait na ki khyrdop wei da psiah ki pyrchah ya ka aiñ cha ka jylla, toh u chah pynchitom ki, deiwa ong wa lada toh ki bru kiwa wan bait na ki khyrdop ym yoh ki wow lai lait nei chah Test.
Ki dkhot ka KSU ynnin ka sngi da yoh ki wow ksoh ya ki baar jylla na ki ar thaw hadooh 7 kari na ka thaaiñ Mawdiangdiang kiwa da thmu wow lai kreh cha i thaw wa chna ya ka Assembly wa thymme, wei hei miet ki dkhot ka KSU da yoh ki wow ksoh 20 ngut ki baar jylla na Bhoirymbong, ya kiwa da suba toh kiwa psiah pyrchah ya ka aiñ hapyrdi em i khangkset ya ka jylla.
Da ong u wa hadooh katni ym em kiwa lai lait yei chah Test ha ka khyrdop kawa em ha Umling.