Kyrchaan ka EJNC ya ki chnong wa paan ya ka bai khyndaw chwa u chna pynheh ya u surok NH-44

by Wyrta Staff

March 3, 2016

Reading Time: 2 mins read

Jowai : Ka East Jaiñtia National Council (EJNC) hadien wa yoh yutip wa pyrchah ki kattu katni tylli ki chnong kiwa na East Jaiñtia Hills District yei sdang ka National Highway Authority of India (NHAI) u pynheh ya u NH-44, ka da kyrchaan ko ya i dawa kitai ki chnong wow su bai khyndaw bai thaw chwa u chna ya utai u surok.

Nielaing ka seiñ da booh ko ya le tylli ki kyndon ha ki bor Ditrict hei yatoh weini. Kini ki kyndon man ki kamni :

Ki bor ka District toh u phah noh ki ya ka NHAI wow su bai khyndaw bai yung cha ki tre wa da dep ekti cha ka NHAI.
Ka NHAI ymtoh u sdang ko yei kreh ha u surok khlem dep u su yei hok ki tre thaw tre yung.
Ki bor District toh u pynsangeh noh ki yeitai i chna surok iwa da sdang nadooh ka chnong Tuber.

Ka EJNC da ong ko wa daw sdang ko dei yakhih paidbah lada ym pdiang ya kini ki dawa ka seiñ.