15 49.0138 8.38624 1 0 4000 1 https://wyrta.com 300 0
Advertisement ad1

Sdang ka HSSLC exam, chiteiñ kiwa thoh du na KNGC

0 Comments
Advertisement ad1
Advertisement ad1
Advertisement ad1

Jowai : Ynne ka 3 tarik ha Jowai ki khynnah puræ class XII na waroh ki lad puræ ka Science, Commerce wa ka Arts da thoh ki ya ka subject wa nynkong ka English.

Ha Jowai da em soo tylli ki thaw thoh exam ki khynnah puræ kitæ toh ha Kiang Nangbah Government College (KNGC), Thomas Jones Synod College, Government Boy’s Higher Secondary School wa ha KJP Synod Higher Secondary School.

Deilang waroh ki khynnah ha kini ki soo tylli ki thaw thoh exam wa em ha Jowai da wan 2230 ngut na 10 tylli ki skur wa kynthup ya ar tylli ki college.

Ha KNGC da em waroh 1019 iwa da jan chiteiñ na waroh kiwa wan thoh exam heiwa 800 ngut toh ki wa puræ Arts, 145 ngut wa puræ Science wa 74 ngut ki wa puræ Commerce. Ha uni u snem ha KNGC da em ki khynnah yong ka donhi wei wym em de na kiwi ki thaw puræ wa wan thoh neidaw wa du para ki khynnah ka KNGC da dap lut ka college.

hsslc4

Ha Thomas Jones Synod College da em waroh deilang 677 ki wa wan thoh exam na St. Mary Mazzarello HSS da em 74 ngut, Jowai Presbyterian HSS da em 122 ngut, Amwi HSS da em 7 ngut deilang wa ki khynnah puræ ka college ki wa em 474 ngut.

hsslc7

Ha Government Boy’s Higher Secondary School da em ki khynnah puræ ka Government Girls’ HSS wa ki khynnah puræ ka Government Boys’ HSS. Waroh kiwa wan thoh exam heini i thaw da em ki 130 ngut heiwa 85 ngut toh kiwa puræ Arts wei 44 ngut kiwa puræ Science wa uwi wa leh Compartmental.

Ha KJP Synod HSS da em waroh 404 ngut ki khynnah wa wan thoh exam wa kynthup ya ka Seinraij HSS, Thadlaboh HSS, Marianhill HSS, North Liberty HSS wa ka KJP Synod HSS.

hsslc1

hsslc2

hsslc3

hsslc5

hsslc6

Advertisement ad1

0 Comments

Leave a Reply