Ki waheh chnong napoh ka thaaiñ Narpuh, East Jaiñtia Hills da e ki yei kyrchaan wa pura 100% ya ka yakhih yong u Ardent M. Basawmoit, neibynta i dawa wow pynkylla lane pynthymme noh ya ka Reservation Policy.
Ha ka kyrwoh wa da phah da ong wa i kyrchaan yong ki toh neidaw ka yakhih man ko kawa em yurim neibynta i bha yong ka mynried ki khon ki kti hapoh ka bri u Ynñiawtrep.
Kamtæ da ong wa lada man kammon kammon leh u e ki yei kyrchaan wa pura ya u Ardent neini chakhmat hawa yatoh wa kani ka bhah thung kreh wei lada jia wow ya mih paidbah leh daw mih ha iwon iwon i por.
Hawa yatoh won wa i pynmih khubor ka Synjuk Waheh Chnong Ri Jaiñtia wow dawa jar jiar i bhah, da ong wa ym tip ki yeini wei ym embynta ki leh wow pynpra ya ka jaitbru, tangwa u yatylli kam kawi ka jaitbru u Khynriam, u Pnar, u Bhoi, u War.
Ka Wyrta na u Lasting Pala (Waheh Chnong Umkiang), u Jenisal Pohkyrnu (Waheh Chnong Dona Skur), u Love You Bareh (Waheh Chnong Pyrtakuna), u Min Lamare (Waheh Chnong Kuliang), u Sharai Lamare (Waheh Chnong Borsara), Edimon Lamare (Waheh Chnong Sonapyrdi), u Fantin Pajat (Waheh Chnong Lumphyllut), u Pynkhlain Dhar (Waheh Chnong Ratacherra), u Wol Tariang (Waheh Chnong Dona Umbluh), u Robi Suchiang (Waheh Chnong Umstain) wa u Mit Dkhar (Waheh Shnong Lahalein).
