I Video yong uwi u Terrorist uwa da chah siat yap ha ki chipai ka India ynne i step da poor bha i heiwa ha ini i Video da sñiaw ya ka bei u kawa da kyrpaad ya oo wow wan pyndem u.
Uni u Terrorist toh uwa tip kam u Amir Nazir Wani, wei ha ini i Video da yoo wa da ksohlang wa ka AK-47 heipor wa yaklam u wa ka bei u hei thaw wa rieh u.
Ha ini i yaklam u wa ka bei u da ong ko ya oo wow wan pyndem tangwa ym bien u deiwa ong ieh u wan ki Army yow yoo i.
U Amir toh uwi na ki le ngut ki dkhot ka Jaish-e-Mohammed (JeM) uwa da chah sait yap ynne ha chnong Nadir ka thaaiñ Tral ka Jammu and Kashmir wa em ha Pulwama District.
Kiwi kiwa da chah siat toh kiwa tip kam u Asif Ahmed Sheikh wa u Yawar Ahmad Bhat kiwa waroh toh kiwa chong chnong ka Pulwama District.
U Amir da leh u ya kani ka Video Call na i thaw rieh u chwa wow jia i yasiat wei daklam u leh ya ka diah u Asif yow kylli neibynta yong oo.
U Asif toh u jooh u Terrorist heiwa i yung u ha thaaiñ Tral toh iwa da chah tympung ha ki chipai.
Ki chipai nyngkong da ong ki ya ki wow pyndem ki tangwa da siat kylla ki ya ki chipai wei yeini thaw rieh ki leh da yoh wow riñ dur da ki Drone.
Ini da jia i du hadien 48 kynta wa da em le ngut ki Terrorist wa chah siat yap ha thaaiñ Keller ka Sophian District ka Jammu & Kashmir.
Discussion about this post