I kynaad hapyrdi ki Karbi wa ki Pnar ha Lapangap, West Jaiñtia Hills da sdang biang i nadooh ka 10 tarik uni u bnai heiwa ha ka 25 tarik da em i pynyoo bor ki Pnar deiwa phut ya ki tre dieñ wa da thung tooh ka Karbi Anglong Autonomous Council (KAAC) ha u Loom Umchyrngan.
Ha i janmiet ka 25 tarik manda liwan ki Pnar cha Lapangap, ki Karbi da hiar ki cha pynthor wow phut ya u kba wei da thang leh ya ki trep ki paidbah ka chnong Lapangap.
Hawa yaklam wa u waheh chnong ka Lapangap, u Deibormi Lyngdoh da ong u wa hadien i awri ha ka 25 tarik, kamwa man ha u snem 2023, ki bor District ka West Jaiñtia da phah ki ya ki pulit cha kani ka chnong.
Da ong u wa ha kani ka kynti leh da phah ya ki pulit kiwa da sah ha Yung Dorbar ka chnong wa ka skur Lapangap UP School wei ini daw pynthut bha i yei lai skur ki khynnah kamtæ da emkaam wow kyrriah noh ya ki.
Chooh chooh da ong u wa lada ki pulit Assam booh ki ya ka ktem hajan u Loom Umchyrngan tæ ka Meghalaya leh toh u booh ko heitæ hi næ hajan ki hali khnang wow chngaaiñ ki warep hawa lai ki cha ki hali yong ki.
Discussion about this post