Ka (L) Kesilroy Pala Invitation Football Tournament 2023 wa pynman da ka West Jaiñtia Sports Association (WJDSA) da poi ko cha ka Quarter Final wa khaddooh ynne ka sngi.
Ha kani ka yalehke da jop suk ka Salaroh FC yaka Mynsngat SC da 9-2 yow psiah cha ka Semi Final.
Ya ki kool ka Salaroh da thap da u Debor Kesaar haka minit wa 11, u Arlangki Nongsiej haka minit wa 45+1, u Wanlamsuk Nongkhlaw haka minit wa 58 wa 72, u Ernest Marwein haka minit wa 67, 69, 73 wa 78 wa u Biahar Kharummuid haka minit wa 76. Katwa yaka Mynsngat da thap da u Nidaioh Dhar haka minit wa 35 wa 90.
Kamtæ ka Semi Final wa nyngkong u pynman ha kani ka 29 tarik heipor 2:00 waje i sngi hapyrdi ka Mukhla waka CSA United katwa ka Semi Final wa ar won u pynman ha ka 30 tarik hapyrdi ka Salaroh waka Rymbai Shkenshynriah heipor 2:00 waje hi.
Discussion about this post