Kiwa chong chnong ka chnong Bataw da pynsñiaw ki yei diaw wa khroo heiwa da chong da sah ki boon boon snem ha katai ka Dong Mihsngi Bataw khlem yoh bordiñ nadooh u snem wa da seiñ ya katai ka dong ha u snem 2010 da ki bor chnong.
Neiliang ka yung krehkaam u Waheh Chnong ka Bataw, u Deihok Sumer kamjooh hei ya synranlang u Assistant Waheh Chnong, u Martin Lyngdoh, u Secretary Chnong, u Nehlang Suchiang, u Assistant Secretary Chnong, u Macdonnald Suchiang wa ki Executive Member yong ka Executive Body yong ka chnong da khut ki ya kiwa chong chnong katai ka dong wow wan cha ka miej wow yaklam ha ka 24 tarik uni u bnai ha yung Dorbar Hall yong ka chnong lyngba ka chithi wa da phah cha u Waheh Dong Mihsngi Bataw, u Kampher Lakhi wei ha kani ka yachemlang da pynsñiaw yei sñiaw diaw wa khroo wa ki kam kiwa chong chnong yong ka Dong Mihsngi Bataw da dooh ki yei hok wow pynemkaam bordiñ katkam ka juk wa im katni hei emkaam wa boonjait ha yung ha sem wa kiwi kiwi de ki kaam.
Ha kani ka yachemlang da wan chimbynta kamwa duna 100 tylli ki manyung heiwa neiliang u waheh chnong da ban joor u wow yatylli ha iwi i yumut wow lai pynsñiaw cha ka sorkar lyngba kiwa mihkhmat khamtam ya u MLA ka thaaiñ uwa man leh kam u Montri sorkar, u Kyrmen Shylla wow chimkhia u heiyatoh wa ini i eh wa chem kiwa chong chnong.
Ha kani ka dong da em kawi ka LP School kawa tip kam ka Bethel LP School wa ka Alpha Secondary School heiwi kani ka dong toh kawa em mar pyrchah wa ka PHC Bataw.
Kiwa yahkhmat chnong da pynsñiaw ki wa da em i dawa da slem da ka bor chnong na ka MeECL kamjooh cha kiwa mihkhmat wow pynyoh bordiñ ha katai ka dong wei ha kani ka kynti da chim rai deiwa rap bniah heiwa da chim leh yei soi pyrtuid kiwa chong ha katai ka dong heiwa da chaniah hei yahkhmat u waheh chnong yow lai pynsñiaw yow yoh bordiñ kiwa chong chnong ka Dong Mihsngi.
Da chim rai wa ha kini ki kajiak sngi neiliang ka chnong u lai ko cha kiwa hajrong neibynta wow dawa pynyoh bordiñ noh ya ka Dong Mihsngi.
Discussion about this post