Jowai: Ynne ka sngi u Thombor Shiwat da pyntip u ha ka yung dorbar ka JHADC wa da e hadooh 25 tylli ki Land Holding Certificate chapoh ka Elaka Nongkhlieh nadooh ka 1 Naisaphra 2019 hadooh 30 Naiynru 2020.
Yeini u Thombor da jubab u yeiwa kylli u Andrew Shullai, uwa da phylla wa kammon wa da sdang e ya ki Land Holding Certificate neibynta ki thaw wa heh da ki hajar Square Metre.
U Andrew da kylli chooh chooh u wa nadooh ynnu wa sdang u e Land Holding ha kai ka Elaka neibhah wa waroh chi kattu da jooh e du da ki Pata donhi.
Hajrong ini neiliang u Thombor da jubab u deiwa ong wa ya ki Land Holding ymtip nadooh ynnu sdang e ya ki tangwa ye u man lyngba ka rai yong ki Executive Committee warim.
