Ka karkhana pynmih khydaw-bilat wa em ha Lumshnong kawa tip kam ka Star Cement ha u Kmaichonglad (Dec) 2024 da chah daiñ kuna ko Rs. 1,20,000 ha ka Meghalaya State Pollution Control Board (MSPCB) neidaw wa pynjakhlia ko ya ka la-ær deiwa pynmih tdem na ki toskhana ko.
Ha utai u snem ka Star Cement da chah pynngat ko ha ki kyndon ka aiñ The Water (Prevention & Control of Pollution) Act 1974 wa ka aiñ The Air (Prevention of Control of Pollution) Act 1981.
Ka MSPCB da chem ko wa ha itai i por ki Online Continuous Emission Monitoring Systems (OCEMS) toh ki wym em krehkaam kiwa man Offline.
Neiliang ka KSU Lumshnong Unit da pyntip ko wa ka Star Cement da leh biang ko yeini wei kattæ la chi tayaaw da pynmih tdem biang ko.
Ka seiñ da kyntu ko ya ka MSPCB wow chimkhia ko yeini wa leh kani ka karkhana wei wow pynchitom ka neibhah ka seiñ neipor cheipor da jooh lai maham ko wym toh u pynmih tdem kamni.
Discussion about this post