Lada dap chynrang ka NPP toh u kynjet ko ya ka BJP napoh ka sorkar: Saleng

U MP ka Congress na Tura, u Saleng A Sangma da kob u ya ka National People’s Party (NPP) kawa yahkhmat ya ka sorkar MDA-II wa lada dap chynrang toh u nood ko wow beh ya ki 2 ngut ki MLA ka BJP na ka sorkar.

Ini i klam u Saleng toh hajrong i pynbaad u Rakkam A Sangma, uwa yahkhmat ka NPP uwa man leh kam u Montri sorkar, uwa da ong wa ka Congress da krehlang ko wa ka BJP ha ka Election MP kawa dang dep.

U Saleng da ong chooh chooh u lada ka NPP dap chynrang ko toh u nood ko wow kynjet noh ya ki 2 ngut ki MLA ka BJP, wei hadien itæ u yaklam chaphang ka Congress.

Da ong u wa ka BJP em ko du 2 ngut ki MLA katwa ka NPP em ko 43 ngut ki MLA hapoh ka sorkar wei ym emkaam de ko yei kyrchaan ka BJP, hawa kamtæ lada nood sakhiat toh u kynjet ya ka BJP wei yow yaklam won chaphang yong oo.