Ka Working President ka Congress ha ka jylla kawa man leh ka MLA na East Shillong, ka Dr. M Ampareen Lyngdoh da ong ko wa ka sorkar da toh u pynbait ko ya i awri awra ha Mawlai deiwa pynrap wa ka Congress da yoo ko wa i awri awra da poi i hadooh u pood wa ym em de u phah ya ki pulit wow sonteri ki ya ka chnong waroh kawi. Neibhah lada ym em i chongsuk, ka sorkar pyrdi ye ko leh da ki laad ki luti ki yong ka hi.
Ka Ampareen da ong ko leh wa lada ka sorkar jylla kwah ko wa i awri awra u kut noh i toh u syllok lang wa ki MLA ka liang pyrchah neibhah wa kam kiwa mihkhmat ym kwah ki wow ap ya ki khubor hamsaya.
Chooh chooh da ong ko wa kamwa man katni da sakhi wa da em i thmu wow pynkylla Politics noh ya ini i kaam ha Mawlai heiwa wot u MLA leh ym tip de u yeiwon yeiwon leh neibhah ym em de i khut yaklam lang.
Heijooh i por da ong ko leh wa hadooh katni ympu yoo yei pynche na ka sorkar hajrong i kynreh syndet ya i yung u heh warim ka HNLC.
