U National Council Member ka BJP, u Bashailang Khongwir da beiñ u ya u MP ka Shillong, u Vincent Pala wa ka Congress wa da chim kabu ki ya i man i long heipor wa ki Party waroh da toh u ya krehlang ki wow wanrah biang yei suk i saiñ.
Da ong u wa yoo danda yei leh ka Congress kawa ymye de u wan hei bor ha Meghalaya tangwa lada ki MLA yong ka thrang ki wow em hei bor ye ki wow wan psiah noh cha ka BJP.
Chooh chooh da ong u wa ki khubor da mih da yoo wa em le tylli ki chnat ka Congress kiwa kynthup ya ka yong u Mukul, Charles wa u Pala iwa pynyoo yei piah hapoh ka Congress deiwa kdaw leh wa ha Manipur heipor wa ka Congress em ko 29 ngut ki MLA kattæ leh ymye ko wow chna sorkar kamtæ yi won wow jia ha Meghalaya? Deiwa pynrap u leh wa ka BJP u pyntikna ko wa ka Congress ymye ko wow chna sorkar ha Meghalaya.
Heijooh i por da kdaw u wa ha ka Dorbar wa dadep, da kwah ka Congress wow wanrah ya ka No Confidence Motion, ha kani won daw kwah ki wow kyrriah ya u Lamphang, katwa haka dorbar wow wan won daw mih noh ki MLA ka Congress na ka Party.
Hajrong i pynbaad u Pala wa em i pynphiah ka BJP ha i kaam Politics, u Khongwir da ong u wa u Pala toh u kylli u na ka Sonia kammon da krehlang ki wa ka AIUDF ha Assam kawa da sdang da u Mohammad Badrudin Ajmal. Iyi em ha lyndet ka AIUDF Party?
Da ong u leh wa ka Congress da booh ko ya ka jylla ha i eh i dooh khamtam wa yatoh wa ka muna tangka yong ka jylla wei katni ka spokar MDA da haap pynkhooid ko yeini waroh.
