theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Lada kwah ka AITC wow pyndam ya ka soskular pynbait pood pynyoo wa da bakla ka Report wa da pynkhreh da ki hi: Conrad 

Advertisement ad1

U Montri Rangbah ka jylla u Conrad K Sangma da ong u wa i lai wow yakhih ki MLA wa ki dkhot ka All India Trinamool Congress (AITC) ha Delhi wow dawa pynpsiah ya ka ktien Khasi wa Garo ha ka 8th Schedule toh du ka kaam yoh nong Politics.

Da ong u wa da yoo wa kiwa yahkhmat ka AITC da rap chong chit ki katni hadien wa ka sorkar da mynjur ko ya ka Resolution, wei hawa kwah ki wow leh sakhiat da toh u mynjur hi ya ka Resolution nadooh nachwa.

I klam u Conrad toh hadien wa kiwa yahkhmat ka AITC da lai ki wow rah ya ki Placard ynne ka sngi ha Delhi wow dawa tipmit noh ya ka ktien Khasi wa Garo wei kamjooh wow pyndam ya ka soskular Memorandum of Understanding (MoU) pynbait khappood.

Da ong u wa man iwa bha wa mih ki katni yow yakhih wow pynbor ya ka sorkar wow tipmit noh ya ki ktien yong ka jylla.

Hawa yatoh wa ka MoU pynbait pood da ong wa oo sñiaw kulmar u wa kiwa yahkhmat ka ka Liang Pyrchah wa ki dkhot ka AITC da dawa ki wow pyndam ya ka soskular, wei ini i dawa pynyoo ko wa ki dawa ki wow pyndam ya ka bui (Report) wa da pynkhreh da ki hi.

Puræ leh: Pyman yakhih ka AITC hakhmat ka Parliament yow pyndam ya ka soskular pynbait pood wei wow tipmit noh ya ka ktien Khasi wa Garo

Share this:
Previous

I khynra ya ka Farm House u Bernard toh katkam ka aiñ: Conrad

Next

Man ki 2447 ngut kiwa sikai skur kam kiwa kreh sorkar wa pura