U Symbood Montri Rangbah wa pait leh ya ki kaam pohyung (Police), u Prestone Tynsong da ong u wa i dawa yong ka seiñ Hynniewtrep National Liberation Council (HNLC) wow pyndam noh ya waroh ki mukotduma pyrchah ya kiwa yahkhmat ka seiñ daw ye u yaklam du lada kiwa yahkhmat wa heh dooh wan ki chakhmat u yaklam waka sorkar jylla kamjooh waka sorkar pyrdi.
Da ong u wa ka dwar yong ka sorkar neibynta wow yaklam yasuk toh kawa wai, heiwa da ban biang u wa i yaklam toh u man ko wa kiwa yahkhmat wa em hakhmat dooh yong ka seiñ, ym toh de da kiwi kiwa khian kyrdan, neibhah i yaklam ha ka kylla wa nyngkong da dep wei ka sorkar kwah ko wa i yaklam u em biang hadooh wow ye u pynbait yei kaam.
Hawa kylli, u Prestone da khana u wa hadooh kattæ, ka HNLC ym pu phah ktien ko iyi iyi cha ka sorkar lyngba u ksiang hajrong i kyrpaad ka sorkar wow yaklam da kiwa yahkhmat kiwa heh dooh.
Discussion about this post