Lada ngait yei dawa Article 371 uwi u MLA, da ngat ka Meghalaya hapoh ka CAA: Prestone

U Symbood Montri Rangbah ka jylla, u Prestone Tynsong da pynkynmoo u yei dawa Article 371 yong u Ardent M Basaiawmoit hapoh ka yung dorbar chna aiñ heipor wa man MLA u rap nachwa, wei da pynrap u wa ini toh i maa wa chyrkhei ya ka jaitbru neibhah daw pyndooh syndon ya ki District Council.

U Prestone da ong u yeini ha ka yalang wow kynmoo warom ya ka sngi yap wa 64 yong u Rev. JJM Nichols Roy, uwa da kheiñ kam u pa ka 6^th Schedule kawa da pynman da ka Rev. JJM Nichols Roy Memorial Committee waka JJM Nichols Roy College kawa em ha Qualapatty, Shillong.

Hawa klam ha katai ka yalang, u Prestone da ong u kynmoo u wa kamwa 10 snem nachwa em uwi u MLA uwa wanrah ya ka phang (Motion) hapoh ka yung dorbar wei katæ ka phang ong ko, ‘Ka District Council ha kani ka juk wa katni ym yahaap dur de ko wei heithaw yong ka toh u thap da ka Article 371′. U Prestone da ong u wa ini i dawa toh iwa maa hadooh kattæ kattæ, wei ha itai i por wa em u ha ka sorkar wei ka sorkar da kyntait ko ya ini i dawa.

Hawa klam ym em pynmih pyrtuid u ya uwon utæ u MLA, tangwa da ong u, “Thooh yutip da phi wei lada ym chem phi lai heitai ha Assembly Secretariat, daw yoh phi ya katu ka bui kamwa man ko”.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hawa pynsñiaw wa ka 6^th Schedule toh ka stieh wow yada ya ka jaitbru, u Prestone da pynkynmoo wa heipor wa lai wow yakhih pyrchah ya ka Citizenship Amendment Bill (CAB) kawa da kylla CAA (Citizenship Amendment Act) 2019, heiwa ka sorkar MDA da lai yachem ko wa u Montri Rangbahdooh ka ri wa kiwi kiwa yahkhmat ka sorkar pyrdi, da ong ki wa neidaw wa em ka Meghalaya hapoh ka 6^th Schedule da pynlait noh na ka CAA.

Hawa kynthah yei maa ka Article 371, u Prestone da ong u wa waroh iwa em i ye wow dooh noh wei daw man sakhiat wow em ha kyndian synrang neibhah da e bor ha ka District Council wei kiyi wow pynkup bor ya ki Pastor wow pynbia, kiyi wow e License lada ymtoh ka District Council.

Ha kani ka yalang da wan wow sakhilang wa u CEM ka KHADC, u Pyniaid Sing Syiem kam u symbood kongsan deiwa emlang kiwa yahkhmat ka liang pyrchah ka yung dorbar chna aiñ u Ronnie Lyngdoh, ki MDC u Bindo M. Lanong, u Fantin Lakadong wa u Ransom Syntnga uwa man u Chairman ka Rev. JJM Nichols Roy Memorial Committee, ki khynnah skur, ki Pastor wa kiwa chah khut sñiawbha kiwa da sakhi lang ha kani ka sngi.

U Prestone da e u yei yaroh ya u Rev. JJM Nichols Roy deiwa ong wa man u kam utæ uwa phrat luti ya ka mynried ka khyndaw u chyiap ki jaitbru yong i wei toh lyngba yong oo da wanrah ya ka 6^th Schedule ka riti synchaar ka ri kawa da pynksan pura ha ki Autonomous District Council (ADC) wow yada ya u khyndaw u chyiap.