15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Advertisement ad1

Mynjur ka sorkar Meghalaya ya ki kyndon aiñ yow yoh dan naka Online Gaming

Advertisement ad1

Ka sorkar Meghalaya haka yalang ki montri namo ka Cabinet ynne ka sngi, da mynjur ki yaka Meghalaya Regulation of Gaming Ordinance, 2021.

Hawa pyntip cha ki laad pathai khubor, u Montri wa pait yak chnat Taxation, u James K. Sangma da pyntip u wa ka chnat da pait ko yaki laad wow pynku yaka laad pynmih poisa.

Da pyntip u leh wa da pait kammon wow pynmiat yaki aiñ khrong dan deiwa pdiang yaka stat Technology wei kamjooh kiwi ki laad yow kyntu yaka yarong poisa.

“Ka yalehke lyngba ka Information Technology pynmih poisa ko ya kitu kiwa pynman yaki Online Gaming deiwa booh yaka song poisa wa ye u jop kamjooh lyngba ki Advertisement,” da ong u Montri.

Da ong u leh wa da yoo wa katni ka yalehke Online Gaming da man ko kam kawi na ki kaam wa pynlut por ki bru hapoh pyrthai wei ha Meghalaya leh ym em phær ko.

Kamtæ ka chnat da rai ko wow booh noh da ka aiñ wow pait ya kani ka laad pynmih poisa wei da booh yaka Draft Ordinance hakhmat ka Cabinet yow yoh yei mynjur.

Nachwa ym em ka aiñ wow pait ya ki Online Gaming ha Meghalaya, “Deiwa booh da ki kyndon aiñ daw pyntikna ko wa kitu kiwa emkti ha kani ka kaam daw pynyoh poisa ki yaka jylla,”da ong u James.

Share this:
Previous

Lada yaki kaam pynroi wanrah daka Assam su wow e synchaar da ki: Ardent

Next

Pynkhreh ka Raij Namodong wow sai kyrtong haka Election 2023 hadien wa chah iehbeiñ ha kiwa boon ki liang